[ Pobierz całość w formacie PDF ]
Nos de aquende veremos como lidia el abad.
[CRONISTA]
El obispo don Jeronimo priso a espolonada 117
E ibalos ferir a cabo del albergada.
2385 Por la su ventura y Dios que le amaba
A los primeros colpes dos moros mataba de la lança;
El astil ha quebrado y metio mano al espada.
Ensayabase el obispo, ¡Dios que bien lidiaba!
Dos mato con lança y çinco con el espada.
2390 Los moros son muchos, derredor le çercaban,
Dabanle grandes colpes, mas no le falsan las armas.
El que en buen hora nasco los ojos le fincaba,
Embraço el escudo y abaxo el asta,
Aguijo a Babieca, el caballo que bien anda,
2395 Ibalos ferir de coraçon y de alma.
En las hazes primeras el Campeador entraba,
Abatio a siete y a quatro mataba.
Plogo a Dios, aquesta fue el arrancada.
Mio Çid con los suyos cae en alcançe,
2400 Veriedes quebrar tantas cuerdas y arrancarse las estacas
77
Y acostarse los tendales, con huebras eran tantas.
Los de mio Çid a los de Bucar de las tiendas los sacan.
Sacanlos de las tiendas, caenlos en alcançe, 118
Tanto braço con loriga veriedes caer aparte,
2405 Tantas cabeças con yelmos que por el campo campo caen,
Caballos sin dueños salir a todas partes.
Siete migeros cumplidos duro el segudar;
Mio Çid al rey Bucar cayole en alcançe.
[CID]
¡Aca torna, Bucar! Veniste de allende mar,
2410 Ver te has con el Çid, el de la barba grande,
Saludar nos hemos amos y tajaremos amistad.
[CRONISTA]
Respuso Bucar al Çid:
[BUCAR]
¡Confonda Dios tal amistad!
El espada tienes desnuda en la mano y veote aguijar.
Asi como semeja, en mi la quieres ensayar,
2415 Mas si el caballo no estropieça o conmigo no cae,
No te juntaras conmigo fasta dentro en la mar.
[CRONISTA]
Aqui respuso el Çid:
[CID]
¡Esto no sera verdad!
[CRONISTA]
Buen caballo tiene Bucar y grandes saltos faze,
Mas Babieca el de mio Çid alcançandolo va;
2420 Alcançolo el Çid a Bucar a tres braças del mar,
Arriba alço Colada, un gran colpe dado le ha,
Las carbonclas del yelmo tollidas se las ha,
Cortoles el yelmo y, librado todo lo al,
Fasta la çintura el espada llegado ha.
2425 Mato a Bucar al rey de allende mar,
Y gano a Tizon que mill marcos de oro vale.
Vençio la batalla maravillosa y grande,
Aqui se hondro mio Çid y quantos con el son.
Con estas ganançias ya se iban tornando, 119
2430 Sabed, todos de firme robaban el campo;
A las tiendas eran llegados, do estaba
El que en buen hora nasco.
Mio Çid Ruy Diaz, el Campeador contado,
Con dos espadas que el preçiaba algo
2435 Por la matança vinia tan privado,
78
La cara fronzida y almofar soltado,
Cofia sobre los pelos, fronzida d ella yaquanto.
Algo veia mio Çid de lo que era pagado,
Alço sus ojos, estaba adelante catando,
2440 Y vio venir a Diego y a Fernando,
Amos son fijos del conde don Gonçalo.
Alegrose mio Çid, fermoso sonrisando.
[CID]
¡Venides, mios yernos, mios fijos sodes amos!
Se que de lidiar bien sodes pagados,
2445 A Carrion de vos iran buenos mandados,
Como al rey Bucar habemos arrancado.
Como yo fio por Dios y en todos los sus santos,
D esta arrancada nos iremos pagados.
[CRONISTA]
Minaya Alvar Fañez esora es llegado,
2450 El escudo trae al cuello y todo espado,
de los colpes de las lanças no habia recaudo;
Aquellos que se los dieran no se lo habian logrado.
Por el codo ayuso la sangre destellando,
De veinte arriba ha moros matado;
2455 De todas partes sus vasallos van llegando.
[MINAYA]
Grado a Dios y al Padre que esta en alto
Y a vos Çid, que en buen hora fuestes nado;
Matastes a Bucar y arrancamos el campo,
Todos estos bienes de vos son y de vuestros vasallos,
2460 Y vuestros yernos aqui son ensayados,
Fartos de lidiar con moros en el campo.
[CRONISTA]
Dixo mio Çid:
[CID ]
Yo d esto so pagado;
Quando agora son buenos, adelante seran preçiados.
[CRONISTA]
Por bien lo dixo el Çid, mas ellos lo tovieron a mal.
2465 Todas las ganançias a Valençia son llegadas,
Alegre es mio Çid con todas sus compañas,
Que a la raçion cae seis çientos marcos de plata.
Los yernos de mio Çid, quando este haber tomaron
D esta arrancada, que lo tenien en su salvo,
2470 Cuidaron que en sus dias nunca serien menguados.
Fueron en Valençia muy bien arreados,
79
Conduchos a sazones, buenas pieles y buenos mantos.
Mucho son alegres mio Çid y sus vasallos;
Grande fue ese dia la corte del Campeador, 120
2475 Despues que esta batalla vençieron y al rey Bucar mato;
Alço la mano, a la barba se tomo.
[CID]
Grado a Cristo, que del mundo es señor,
Quando veo lo que habia sabor,
Que lidiaran conmigo en campo mios yernos amos a dos;
2480 Mandados buenos iran d ellos a Carrion:
Como son honrados y haber vos grande pro,
Sobejanas son las ganançias que todos han ganadas; 121
Lo uno es nuestro, lo otro han en salvo.
[CRONISTA]
Mando mio Çid, el que en buen hora nasco,
2485 D esta batalla que han arrancado
[ Pobierz całość w formacie PDF ]